Университет басшылығы Талғар қаласындағы ұлдар және қыздар дайындық курстарының тыныс-тіршілігімен танысты..

Білім - қазына...

Нұр-Мүбарак университетінің проректоры, PhD доктор, доцент Қайрат Курманбаев Ұстаз және Оқу әдістемелік басқарма басшысы Мұратхан Махмет ұстаздарымыз Талғар қаласындағы Ұлдар және қыздар дайындық курстарына келді.

 Ұстаздарымыз дайындық курстарының тыныс-тіршілігімен танысып, жасалынып жатқан жұмыстарға, әрі оқу процесіне көңіл толарлық екенін ризашылықпен жеткізді.

Қайрат Ұстазымыз шәкірттерімізге ілімді дұрыс талап етуге, ілімнің сатылары, оның ішінде: «Оқу, оқығанды түсіну, түсінгенді іске асыруға, амал етуге» байланысты жүрек жарды уағыз-насихатымен бөлісіп, шәкірттерге жаңаша шабыт сыйлап, ілімге құштарлықтарын арттырып, өте жақсы сұхбат құрып берді. Сондай-ақ, дайындық курсының стратегиялық дамуына байланысты өзінің ойын айтып, идеясымен бөлісті.

Ал, Мұратхан ұстазымыз университетке түсер алдындағы құжаттарды дұрыс рәсімдеу, және т.б. құжаттауға өте қажетті процестерді сауатты орындауды, жіберілетін қателіктердің алдын алуды егжей-тегжейлі түсіндіріп берді.

Ұстаздарымызға көп рахмет айтамыз! Алла разы болсын!
47