Нұр-Мүбарак
Египет ислам мәдениеті университеті

Дінтану кафедрасының тарихы

Дінтану бөлімі 2011ж. дейін университетіміздің «Гуманитарлық және жаратылыстану пәндер» кафедрасының құрамында жұмыс жасап келді. 2011 оқу жылынан бастап «Дінтану» кафедрасы өз алдына дербес кафедра болып құрылды. 2011 жылы «Дінтану» кафедрасының меңгерушісі болып теология ғылымдарының PhD докторы А.Ш.Әділбаев тағайындалды. 2014 жылдан бастап кафедра меңгерушісі PhD Қ.С. Ержан тағайындалды.

Қазіргі таңда Дінтану кафедра құрамында 16 (оның 2 штаттан тыс) оқытушы профессор жұмыс жасайды. Оның 4 ғылым докторы (оның 2 штаттан тыс), ғылым кандидаты 3, PhD қауымдастырылған профессор 2, PhD докторы 3, магистр оқытушы 4. Кафедраның ғылыми дәрежесі 71% құрайды.

Дінтану кафедрасында Ш.Т. Керім, А.Р. Әлмұхаметов, Қ.А. Затов, А.Ш. Әділбаев, Қ.С. Ержан, Ж.Қ. Мейр, Б.Б. Хамзеева, М.Б. Исахан, А.Қ. Дүйсенбаева, Ж.Бұлан,  Ж.Ж. Ишмаханов, Е.Н. Есімқұлов, Т.А. Баракбаева, А.Е. Әбубәкірова сынды жоғары білікті мамандар дәріс берумен қатар ғылыми, оқу-әдістемелік, тәрбие жұмыстарын да жүргізеді.

Кафедра оқытушылары Қазіргі замандағы ҚР діни жағдай, Салыстырмалы дінтану, Мемлекет және дін арақатынасы, Қазіргі қоғамдағы дін, ҚР дін туралы мемлекеттік заңдар сынды пәндерден дәріс жүргізеді. Оқытушы-профессор құрамы өз сабақтарымен шектеліп қалмай, қосымша ашық сабақтар өткізіп, біліктіліктерін қазіргі заман талаптарына сай арттырып отырады. Халықаралық, республикалық, университеттік ғылыми-тәжірибелік конференцияларға қатысып, ғылыми мақалалар жариялап тұрады.

Кафедраның оқу үрдісі ҚР БҒМ «Кредиттік технология бойынша оқу процесін ұйымдастыру Тәртібі туралы» №152 20.04.2012ж. бұйрығымен (өзгертулер мен толықтырулар 28.01.2016 №90) жүзеге асырылып жатқан кредиттік білім беру жүйесі ережелеріне сәйкес жүргізіледі.

Барлық оқытушылардың ҚР жоғары оқу орындарында алған базалық білімдері бар, еңбек келісімшарттары негізінде қызмет істейді. Ұжымдағы моральдық-психологиялық ахуал жақсы, шығармашылықпен жұмыс жасап, докторанттармен қарым-қатынас жасауға мүмкіндік бар.

Дін мәселесі Қазақстандағы ең өзекті мәселелердің біріне айналғаны жасырын емес. Білім беру мен үйрену, ғылыми жұмыс пен оқыту-кафедраның басты қызметі. Сондай-ақ кафедра мүшелері бірқатар ғаламтор беттеріндегі сайттарда діни сарапшысы қызметін атқарады. Әрі ҚР діни экстремизммен терроризмге қарсы іс жөніндегі бағдарлама аясында келіп түскен хаттар бойынша және ҚМДБ тарапынан ұйымдастырылатын республикалық ақпараттық-насихат түсіндіру жұмыстарына жақыннан жәрдемде болады. Халыққа шынайы діни сенімді таңдап көрсету де кафедрамыздың негізгі жұмысына айналған. Жас магистр оқытушылар мен білікті оқытушы-профессорлар аталмыш бағдарламалар аясында сабақтан тыс уақытта «дін және экстремизм», «діни шиеленістердің алдын алудың құқықтық-заңнамалық аспектілері» т.б. тақырыптарымен Қазақстанның түкпір-түкпірне түсіндіру жұмыстарымен барып келеді.

Әр оқу жылында кафедра құрамы жас мамандармен толықтырылып, олардың білікті маман болуы үшін ғылым жолында бағыт-бағдар беріледі.

Нұр-Мүбарак ЕИМУ-нде Үкіметаралық келісім негізінде әл-Әзһар университетінің доктор, профессорлары дәріс жүргізеді. Осы арқылы, университетіміз докторанттарына араб тіліндегі қолжазбалар мен әдебиеттерді оқып-түсінуде басқа әріптес университеттермен салыстырғанда толық мүмкіндігі бар деп айтуға болады.

Дінтану БББ ғылыми потенцалын көтеру мақсатында, университетіміз 2012-2013 оқу жылынан бастап, дінтанудың PhD докторларын дайындай бастады.

Қазіргі таңда университет Дінтану БББ бойынша бакалавриат, магистратура және докторантура деңгейлерін іске асырады.

Білім беру бағдарламасын даярлау және ұдайы жетілдіру 6 кезеңнен тұрады. 

Білім беру бағдарламасының ортақ компоненті білім беру жүйесінің қызмет нәтижелері — түлек сипаттамасын сипаттайтын мақсаттар жүйесі болып табылады. Миссияны жүзеге асыру үшін, стратегиялық жоспарға, мақсаттар мен міндеттерге, өзекті біліктілік пен құзыреттілік алу жолында докторанттардың сұранысына сәйкес 6D020600-«Дінтану» БББ-ның келесі міндеттері қалыптастырылды:

  • Дінтану БББ ғылыми-теориялық негіздерін, бағыттарын, ғылыми зерттеу әдістемесін игерген, діндер тарихын, ілімдері мен ғибадаттық ерекшеліктерін терең меңгерген жоғары білікті мамандарды – PhD докторларын даярлау, сондай-ақ осы саладағы кадрлардың біліктілігін арттыруға үлес қосу;
  • Білім беруді сапалы және бәсекелестікке қабілетті деңгейге дейін жоғарылату;
  • Білім беру үдерісін заманауи ғылыми жетістіктер мен инновациялық оқу технологиялары негізінде ұдайы жетілдіріп отыру, білім берудің теориялық және тәжірибелік салаларын сабақтастыру арқылы терең компетенциялар мен дағдыларға ие бәсекеге қабілетті жоғары білімді мамандар даярлау;
  • Мемлекеттік мекемелерде, ғылыми-зерттеу орталықтарында, БАҚ және басқа да құрылымдарға қажетті мамандарды даярлау.
  • Мемлекеттік мекемелерде, ғылыми-зерттеу орталықтарында, БАҚ және басқа да құрылымдарға қажетті қоғам сұранысына ие мамандарды даярлау;
  • Қашықтықтан білім беру жұмыстарын қарастыру;
  • Ғылыми және оқу-әдістемелік инфрақұрылымды дамыту;
  • Ғылыми-зерттеу орталықтарымен байланыс және әріптестік қарым-қатынас орнату;
  • Мемлекет қауіпсіздігіне нұқсан келтіретін діни экстремизм мен терроризм мәселелерінен сақтана отырып түлектердің діни фанатизмге бой алдырмауын қамтамасыз ету.