 |
Кафедра меңгерушісі
Қапасова Дариға АрманқызыҒыл.дәрежесі: филол.ғ.к.Ғылыми атағы: доцент м.а.
|
Кафедра туралы
Жалпыуниверситеттік гуманитарлық пәндер кафедрасы – университет құрылған жылдан бері қызметін жүргізіп келе жатқан өз тарихы мен қалыптасқан дәстүрі бар кафедралардың бірі. Кафедраны философия ғылымдарының кандидаты Б.Қ.Бейсенов және теология ғылымдарының кандидаты А.Әділбаевтар басқарған.
2009-2017 жылдар аралығында педагогика ғылымдарының докторы, проофессор Ш.Б.Бәйнеш кафедра меңгерушісі болып қызмет атқарды.
2018 жылдың қаңтар айынан бастап кафедра меңгерушісі міндетін атқарушы қызметін филология ғылымдарының кандидаты, профессор м.а. Г.Қ.Рысбаева атқарды.
2018 жылдан 1 маусымнан бастып кафедра меңгерушісі болып филология ғылымының кандидаты, доцент Дариға Арманқызы Қапасова тағайындалды.
Кафедра «5В011900 — Шетел тілі: екі шетел тілі: (араб, ағылшын тілдері)» мамандығы бойынша болашақ мұғалімдерді даярлайды және исламтану, дінтану мамандықтарында оқитын 1-4 курс студенттеріне және магистранттар мен докторанттарға гуманитарлық пәндер бойынша дәріс береді. Кафедрадағы ұстаздар құрамы Қазақстанның жоғарғы оқу орындары әл-Фараби атындағы Қазақ ұлттық университеті, Абай атындағы Қазақ ұлттық педагогикалық университеті, Абылай хан атындағы Халықаралық қатынастар және әлем тілдері университеті және басқа да жетекші жоғарғы оқу орындарын тәмамдаған жоғары білімді де білікті мамандардан құралған.
Кафедрада тәжірибелі оқытушылар 1 ғылым докторы, 15 ғылым кандидаты, 1 PhD доктор, 6 ғылым магистрі және 4 аға оқытушы қызмет атқарады. Соңғы жылдары кафедрада тәжірибелері мол, білікті, ғылыми дәрежелі, өз салаларын жақсы меңгерген мамандар п.ғ.д., профессор Бәйнеш Ш.Б., доцент, ғылым кандидаттары: Рысбаева Г.Қ., Турумбетова Л.А., Құлбекова Б.Р., Дүйсен С.Ж., Қапасова Д.А., Қырықбаева Э.О., Исабаева С.Н., Иргебаева А.Б., Хатран Д., Әбішева Н.М., Бөрібай Э.С., Бекқожанова Г.Қ., Жұбанова Б. Х., Тулеубаева М.Қ., Тюлепбердинова Г.А., PhD доктор Төлегенова Ә.А, және магистр оқытушылар мен аға оқытушылар Жолмағанбетова М.А., Сүттібаев Н.А., Иманбаев А.Ж., Жақұпова А., Балтина А.С., Суамбекова Г., Дуанаева Ш., Раева С.Ж., Оразбаева Х.О., Немеребаева К.А. мамандық студенттеріне өз білімдерін беруде.
Кафедра бойынша 2 оқытушы «ЖОО үздік оқытушысы» мемлекеттік грант иегерлері. Олар: ф.ғ.к., профессор м.а. Рысбаева Г.Қ. (2013), PhD доктор, қауымдасқан профессор Төлегенова Ә.А. (2017), п.ғ.д., профессор Бәйнеш Ш.Б. «Қазақстан Республикасы Білім беру ісінің үздігі» (1995 ж.).
Оқытушылар гуманитарлық пәндерді оқытудың сапасын жетілдіру мақсатында қазақ, орыс тілі, шет тілі, тарих және ақпараттық информатика пәндерінің өзекті мәселелеріне арналған оқу-әдістемелік және ғылыми семинар-тренинг және дөңгелек үстелдер ұйымдастырып отырады.
Кафедра профессор-оқытушылары халықаралық, республикалық және жалпы университеттік ғылыми конференцияларға қатысып тұрады.
Кафедраның ғылыми-зерттеу жұмыстары бойынша бағыттары:
а) Салыстырмалы-салғастырмалы тіл білімі;
ә) Тіл теориясы, риторика;
б) Шетел тілдерін оқыту әдістемесі.
Жалпыуниверситеттік гуманитарлық пәндер кафедрасының атқаратын қызметі, мақсаты мен міндеттері:
- оқу және тәрбие үрдісін ғылыми-әдістемелік тұрғыдан қамтамасыз ету;
- студенттердің ғылыми танымдық қабілетін дамыту, оларға еліміздің рухани-мәдени, әлеуметтік-экономикалық, экологиялық ақуалы туралы жан-жақты мағлұмат беру;
- студенттерге гуманитарлық пәндерді оқыту процесінің ерекшеліктерін теориялық және практикалық тұрғыдан меңгерту;
- кәсіби деңгейі жоғары, жан-жақты дамыған, білім нәрімен сусынданған, теориялық білімі терең, практикалық дағыдысы қалыптасқан, ұлттық менталитеті жоғары маман даярлау;
- білім сапасын көтеру мақсатында оқытудың жаңа әдіс-тәсілдері мен жаңа технологияларды жүйелі қолдану және оны жұмыс барысында оңтайлы пайдалана білуге үйрету.
Профессор-оқытушылар құрамының ғылыми еңбектері
Профессор-оқытушылар құрамының біліктілігі
