Нұр-Мүбарак
Египет ислам мәдениеті университеті
Жаңалықтар

18 мамырдан бастап бірқатар нысандарға жұмыс істеуге рұқсат берілді

14/05/2020

ҚР Премьер-Министрінің орынбасары Е.Тоғжановтың төрағалығымен өткен Коронавирус инфекциясының таралуына жол бермеу жөніндегі ведомствоаралық комиссияның отырысында экономика салаларын қалпына келтіруге және халықты жұмыспен қамтуға бағытталған бірқатар нақты шешімдер қабылданды.

2020 жылғы 13 мамырдан бастап Шымкент, Ақтау, Орал, Жезқазған, Балқаш, Үржар, Зайсан қалаларына әуе рейстері ашылады. 2020 жылғы 18 мамырдан бастап санитарлық талаптарға сай жұмыс істеуге рұқсат беріледі:

– қонақ үйлерге;

– сыйымдылығы 30 адамдық орынға дейінгі қоғамдық тамақтану объектілеріне;

– таза ауада қызмет көрсететін қоғамдық тамақтану объектілерінің жазғы алаңдарына;

Одан өзге ағымдағы жылғы 18 мамырдан бастап жалпы ғимарат көлемінің 30 пайызын ғана толтыра отырып санитарлық нормаларды сақтаумен діни құлшылық жасау нысандары жұмысқа кіріседі.

Ал 2020 жылғы 1 маусымнан бастап Мемлекеттік бас санитарлық дәрігердің талаптарын сақтауды ескере отырып, кезең-кезеңмен ішкі теміржол қатынасын жандандыру жоспарланып отыр.

Билеттер 2020 жылғы 15 мамырдан сатыла бастайды. Сондай-ақ шетелдегі Қазақстан азаматтарын елге қайтару мәселелері қаралды.

 

Ұқсас жазбалар