/ Негізгі бетке өту

Алматы облысының теолог мамандарына Нұр-Мүбарак университетінде арнайы курс басталды

«Дерадикаландырудың заманауи тәжірибелері және оңалту жұмыстарының тәсілдері» бағытында Жетісу өңірінде қызмет етуші теологтарға Нұр-Мүбарак университетінде бүгін арнайы дәрістер басталды.

Бұл салада Алматы облысы қарқынды жұмыс істеп, аймақтағы діни тұрақтылықты барынша қамтамасыз етіп келеді.

Алматы облысының дін істері басқармасына қарасты   «Дін саласындағы мәселелерді зерттеу орталығы»КММ- теолг мамандарына арналған бұл  дәрістер арнайы меморандум аясында жүзеге асуда. Кіріспе дәрісті университет проректоры, белгілі ғалым Қайрат Құрманбаевтың өзі өткізіп, қазіргі қоғамда кездесетін діни түйткілдердің тетігін кеңінен тарқатты. Халықпен жұмыс істеудегі негізгі ұстанымдарға тоқталып, бағыт-бағдар берді.

Жетісулық теологтарға арналған бұл курс Алматы облыстық Дін істер басқармасымен келісілген кешенді жобалар аясында өтуде. Бұған дейін «Жусан» операциясымен елге оралған әпке-қарындастарымызға арналған курстар басталып, тұрақты өткізілуде. Ал бұл курс тікелей көпшілікпен етене қызмет ететін теологтардың білімі мен білігіне тұздық болады деген сенімдемін,-дейді  университет жанындағы Діни экстремизмге қарсы іс-қимыл орталығының директоры Тимур Нүсіпхан.

Екі күнге жоспарланған курс аясында радикалсыздандырудың теологиялық әдіс-тәсілдері, діни конфликтің себептері мен алдын-алу жолдары, шариғаттағы сұхбат жүргізудің әдіс-тәсілдері, Имам Матуридидің жат ағымдармен күрестегі ғылыми әдіснамасы, қазіргі замандағы пікірталас тудырған діни мәселелер аясында  университет ғалымдары дәріс оқып, сертификаттар табыс етілмек.

Айша КЕҢЕСБАЙ
Нұр-Мүбарак университетінің баспасөз қызметі

146