Нұр-Мүбарак
Египет ислам мәдениеті университеті
Жаңалықтар

Нұр-Мүбарак университетінің стратегиялық жоспары жаңадан талқыланды

14/07/2020

Пандемияға байланысты әлемде болып жатқан қиын қыстау сәтте де Нұр-Мүбарак Египет ислам мәдениеті университеті еліміздің болашағы – білікті де, білімді жас ұрпақтың қолында деген ұстанымын өзгерткен емес. Себебі, қандай кезде де бірінші орында – білім капиталы орын алары сөзсіз.

Университет білім жүйесін жаңа бағытқа бастап, қашықтан оқыту форматын іске қосып, жүзеге асырып келеді.

«Бүгінгі таңда жаңа мамандықтар мен жаңа жобалар, сондай-ақ жаңа жоспарлар заман талабына сай қабысқаны жөн. Қазіргі жаһандану кезеңінде өзгерістер мен жаңалықтарда күнделікті үлгеріп, ілесуді ғана емес, жаңа бастамалармен алға жүруді талап етуде. Осыған сәйкес, университетіміздің даму стратегиясында біршама бастамалар мен өзгертулер және толықтырулар енгізіліп келеді. Стратегиялық даму жолын нақты әрі тиімді жүзеге асыру тек университет үшін ғана емес, еліміздің дамуына орасан игілікті іс.

Сонымен қатар Нұр-Мүбарак университеті заман талабына сай 80 пайыз цифрлық жүйеге ауысу керек», – деді проректор, доцент Қайрат Құрманбаев.

Талқылау барысында басқарма-бөлім басшылары ортаға ойларын қосып, университеттің тыныс-тіршілігіндегі қажеттіліктер мен талаптарды да айта келе, болашақта білімді де білікті исламтанушы, теолог, дінтанушы мамандарды даярлауға қатысты ойларымен бөлісіп, пікір алмасып, ұсыныстарын жасады.

Сондай-ақ университет проректоры 2019-2020 оқу жылындағы үздік қызметкерлерлі алғыс хатпен марапаттады. Ал ең үздік қызметкер шаруашылық бөлімінің меңгерушісі Сұлтанхан Олжабаевқа университет атынан умраға сапар жолдамасы берілді.

 

Ұқсас жазбалар