• Бас бет
  • Жаңалықтар
  • ШҰҒЫЛ: Нұр-Мүбарак университетіне құжат тапсырған талапкерлер ҰБТ рұқсатнамасын 25 маусымға дейін алуы тиіс!

ШҰҒЫЛ: Нұр-Мүбарак университетіне құжат тапсырған талапкерлер ҰБТ рұқсатнамасын 25 маусымға дейін алуы тиіс!

14/06/2019

    Биыл талапкерлерді қабылдау ережелеріндегі өзгерістерге сай, Қазақстан Республикасы Білім және ғылым министрлігінің...

 

 

Биыл талапкерлерді қабылдау ережелеріндегі өзгерістерге сай, Қазақстан Республикасы Білім және ғылым министрлігінің мемлекеттік гранттарынан үміткер мектептің бұрынғы түлектері мен өзге де арнаулы орта және жоғары оқу орындары түлектері ЖОО-на 10 мамырға дейін құжат тапсырған болатын. Енді оларға Ұлттық бірыңғай тест емтиханынан өту үшін арнайы рұқсатнама шықты. Сондықтан Нұр-Мүбарак университетінің Қабылдау комиссиясы талапкерлерге 25-ші маусымға дейін келіп рұқсатнаманы алу керектігін ескертеді.

Себебі 10 мамырға дейін Нұр-Мүбарак университетіне құжат тапсырған талапкерлер 29-30 маусым күндері ҰБТ бойынша емтиханнан өтеді. Бұл олардың мемлекеттік білім грантына қаншалықты үміттене алатындығын айқындай түсетін алғашқы білім сынағы болмақ. Өйткені ҰБТ-дан кемінде 50 балл (Шетел тілі: екі шетел тіліне түсетіндер үшін 65 балл), оның ішінде Қазақстан тарихы, математикалық сауаттылық, оқу сауаттылығы – оқу тілі бойынша – кемінде 5 балл және әр бейіндік пәннен кемінде 5 балл алуы қажет.

Ал ҰБТ-дан соң шығармашылық емтихан тапсыру үшін өтініштер қабылдау ЖОО-ға күнтізбелік жылғы 20 маусым мен 7 шілде аралығында өтпек. Шығармашылық емтихан 8 — 13 шілде аралығында болады.

«Педагогикалық ғылымдар» білім беру саласы бойынша оқуға түсушілерден құжат қабылдау және арнаулы емтихан өткізу ЖОО-ларда күнтізбелік жылғы 20 маусымнан – 14 тамыз аралығында өтеді.