Нұр-Мүбарак
Египет ислам мәдениеті университеті

Түлектер

  Болатбек қажы Ұласқанұлы
ҚМДБ-ның Қызылорда
Облысы бойынша Өкілі,
«Ақмешіт Сырдария»
орталық мешітінің
Бас имамы 

Менің тұлға болып қалыптасуыма, қоғамдағы өз орнымды табуыма университет қабырғасында алған білімім мен жинаған тәжірибем мол септігін тигізді. Бүгінде таптырмас мамандарды даярлауда өзіндік жүйесі қалыптасқан оқу орнында білім алып, қызмет атқарғаныма қуанамын! Жүздері ізгілікке, жүректері мейірімділікке толы оқытушылардың алдында бас иіп, алғыс білдіремін!

Дін мен дүние ілімін ұштастырған достық мекені — Нұр-Мүбарак универсиетінің халықаралық аренадағы білім ордаларымен үзеңгі қағыстырып, бәсекелесе алатынына, болашағы кемел болатынына сенімім кәміл!

Мен өз университетімді мақтан тұтамын!

                                                                                                                            

Кагазбекова Салтанат Бейсенбайқызы
Сапа менеджмент жүйесі маманы, PhD докторант

Қос мемлекет президенттерінің келісімімен құрылған Нұр-Мүбарак университеті елімізде сапалы және жан-жақты білім алған, білікті мамандар дайындауда қосар үлесі зор. Екі жақты келісім нәтижесінде студенттердің ел асып машықтануына және университет қабырғасында шетелдік профессор, ғалымдармен кеңесіп, білімін шыңдауға мүмкіндік жасалған. Қазақ жұртына ғылым шамын жағу үшін бәсекеге қабілетті мамандар даярлауды көздеген университетіміздің болашағы – жарқын, асатын асулары биік болсын дегім келеді.

Қасымбаев Қуаныш
Нұр-Мүбарак Египет ислам мәдениеті университетінің Араб тілі және әдебиеті кафедрасының аға оқытушысы

Мен Нұр-Мүбарак Египет Ислам мәдениеті университетінің одан әрі өркендеуіне, дамуына, көркеюіне тілектеспін. Елімізде  университеттің дінтану мен исламтану бағытын дамытуға қосып жатқан үлесі орасан зор. Білім беру жүйесін және ғылымды шыңдай отырып, ынтымақтастықты  нығайтып, биіктен көріне берейік!                                                                                      

                                                              

Аймахина Гульжазира Есболовна
Нұр-Мубарак Египет ислам мәдениеті университетінің магистрі

Республикамыздағы діни білім ордалары қатарында бұл жалғыз қарашаңырақ десем де болады. Отанымыздың талай танымал діни қызметкерлерін, мемлекеттік қызметкерлермен  ғалымдарды тәрбиелеп шығаруда. Университет студенттерін  тек діни тұрғыдан ғана емес, жан-жақты біліммен сусындатып келеді. Осы оқу орнының  түлегі ретінде білім ордасы мен ұжымына мол табыстар мен үлкен жетістіктерге жетуін тілеймін! Болашақта елімізде ғана емес шетелдерде де абыройы артып, асқақтай берсін!